My Writings

 🙏 বাণিজ্য বীৰ সদাগৰ ভোলানাথ বৰুৱা, বাণিজ্য দিৱস আৰু বাণিজ্য শিক্ষাৰ প্ৰাসংগিকতা 🙏 সাহিত্যৰথী লক্ষ্মীনাথ বেজবৰুৱাদেৱে ঠিকেই কৈছিল, "আমি অসমীয়া নহওঁ দুখীয়া, কিহৰ দুখীয়া হ'ম । সকলো আছিল, সকলো আছে, নুবুজো নলওঁ গ'ম ।" কাৰণ স্বাধীনোত্তৰ কালত ভাৰতবৰ্ষৰ এজন প্ৰতাপী ব্যৱসায়ী অসম সন্তান, যাক জ্ঞানদাভিৰাম বৰুৱাই বাণিজ্য বীৰ হিচাপে অভিহিত কৰিছে, সেই জনৰ বিষয়ে আমি কিমান জানোঁ বা কিমানে তেখেতক স্মৰণ কৰোঁ ? যিজন ব্যক্তিয়ে তেখেতৰ জীৱনৰ সমস্ত কষ্টোপাজিত ধন দান কৰি থৈ গৈছিল। জীয়াই থাকোঁতে টো বিভিন্ন উন্নয়নমূলক কামত দান কৰিছিল আৰু মৃত্যুৰ পিছত টো উইল যোগে সমস্ত স্হাৱৰ অস্থাৱৰ সম্পত্তিৰ দান কৰি থৈ গৈছে। তেওঁৱেই ১৯২২ চনত ভাৰতলৈ প্ৰিন্স অৱ ৱালচৰ আগমনৰ সময়তে ব্ৰিটিছ চৰকাৰক ১ লাখ টকাৰ ন্যাস গঠন কৰি দি যোৰহাট চহৰত "প্ৰিন্স অৱ ৱালচ"ৰ নামেৰে, বৰ্তমান 'পাৱেট' নামেৰে জনাজাত, এখন কাৰিকৰী শিক্ষাৰ প্ৰতিষ্ঠান গঢ় দিছিল। আজিৰ হিচাপত সেই টকাৰ মূল্য প্ৰায় এশ কোটি টকাৰ অধিক হ’ব । এইজন দূৰদৰ্শী ব্যক্তিয়ে অসমৰ নৱপ্ৰজন্ম ই যাতে কাৰিকৰী শিক্ষাৰ পৰা বঞ্চিত হ'ব নালাগে, তাৰ ব...

 তেজপুৰ মহাবিদ্যালয়ৰ প্ৰথম গৰাকী স্থায়ী গ্ৰন্থাগাৰিক: অমূল্য শইকীয়া  অতি অমায়িক, সদালাপী, অধ্যয়নপুষ্ট, মুখত এটা মিচিকিয়া হাঁহিৰে সকলোকে  সম্ভাষণ জনাই নিজৰ ফালে আকৃষ্ট কৰিব পৰা ভদ্ৰলোক জন আছিল অমূল্য শইকীয়া। নামটোৰ লগত যেন মানুহজনৰ ব্যক্তিত্ব বহু মিল আছিল, সঁচাই তেওঁ অমূল্য যাক মূল্যৰে জুখিব নোৱাৰি। এই প্ৰচাৰবিমুখ ব্যক্তিজনে সাহিত্যসেৱা আৰু সাংবাদিকতা কৰিছিল অতি নিৰলসভাৱে। সদায় কান্ধত কাপোৰৰ জোলোঙা এটা লৈ ফুৰা এই মানুহজন জাতীয়তাবাদী শিবিৰৰ মুখপাত্ৰ স্বৰূপ। তেওঁ জাতীয়তাবাদী ভাৱধাৰা নিয়মীয়াকৈ প্ৰতিফলন হয় সেইসময়ত তেজপুৰৰ পৰা প্ৰকাশিত একমাত্ৰ বাতৰি-কাকত "মহাজাতি' ত। অতি সাধাৰণ ভাৱে জীৱন নিৰ্বাহ কৰা অমূল্য শইকীয়া এজন UGC ৰ উচ্চ বেতনধাৰী সহযোগী গ্ৰন্থাগাৰিক হৈও নিজৰ এখন  ব্যক্তিগত বাহন বাদেই এখন চাইকেলো নাছিল। সদায় ডেকাৰগাৱঁৰ পৰা চিটি বাছত ওলমি ওলমি তেজপুৰ মহাবিদ্যালয় লৈ অহা-যোৱা কৰাৰ শইকীয়া আছিল 'Simple living, high thinking " বোলা উক্তি ফাকিৰ জ্বলন্ত নিদৰ্শন। সদায় কাপোৰৰ জোলোঙাটোতে লৈ ফুৰিছিল জ্ঞানৰ ভঁৰাল। ১৯৪৮ চনৰ নৱেম্বৰ মাহৰ ১৭ তাৰিখৰ এটি শুভক্ষণত দে...

 🙏 দৰং মহাবিদ্যালয় মোৰ প্ৰথম পৰিচয় 🙏 ***প্ৰথম অধ্যায় (ছাত্ৰ হিচাপে): ১৯৯০ চনত তেজপুৰ চৰকাৰী উচ্চতৰ মাধ্যমিক বিদ্যালয়ৰ পৰা মেট্ৰিক পৰীক্ষাত উত্তীৰ্ণ হৈ দৰং মহাবিদ্যালয়ৰ বাণিজ্য বিভাগত নামভৰ্তি কৰিছিলোঁ। দেউতাই বিচাৰিছিল যে ঘৰৰ ওচৰৰে তেজপুৰ মহাবিদ্যালয়ত ক'লা শাখাত নামভৰ্তি কৰি বুৰঞ্জী বিভাগত অধ্যয়নটো। কিন্তু সৰুৰে পৰা মই মনত এটা ব্যৱসায়ী চিন্তা পুহি ৰখাৰ বাবে আৰু মানস লহকৰৰ বন্ধুত্বৰ প্ৰেৰণাত বাণিজ্য বিভাগত পঢ়িবলৈ দৰং মহাবিদ্যালয়তে নাম লগাইছিলোঁ। কাৰণ তেজপুৰ মহাবিদ্যালয়ত বাণিজ্য বিভাগ সেই সময়ত খোলা হোৱা নাছিল। মানসৰ দেউতাক প্ৰয়াত বদন লহকৰ আছিল সেইসময়ৰ তেজপুৰৰ এজন সকলোৰে পৰিচিত সফল ব্যৱসায়ী। তেওঁলোকৰ ঘৰৰ আদপ-কায়দা দেখি মোৰ ব্যৱসায়িক মনতো আৰু বেছি প্ৰাণ পাই উঠিছিল। দেউতাই বহু দিনৰ পাছতহে গম পাইছিল যে দৰং মহাবিদ্যালয়ৰ বাণিজ্য বিভাগত হে মই পঢ়ি আছোঁ বুলি। তেতিয়া দৰং মহাবিদ্যালয়ৰ বাণিজ্য ভৱনটো নিৰ্মাণ হোৱা নাছিল। দৰং মহাবিদ্যালয়ৰ দক্ষিণ-পশ্চিম দিশৰ আসাম আৰ্হিৰ ঘৰটোত তেতিয়া আমাৰ ক্লাছ সমূহ হৈছিল। শাৰী শাৰী আমলখি গছবোৰ মাজত যেন আমাৰ যৌৱন-যমুনাই প্ৰাণ পাই উঠিছিল। কিন্...

জুবিন গাৰ্গ ইতিহাস হ'ল: ১৯৯২ চনত যোৰহাটৰ এখন বিয়া ঘৰত এজন দীঘল চুলি থকা আৰু দীঘল চোলা পিন্ধা ক্ষীণ ল'ৰা দেখিছিলোঁ। লগত জনক এই ল'ৰাজন কোন হয় বুলি সুধাত ক'লে যে এই ল'ৰাজনে গান গায় আৰু অনামিকা নামৰ এটা গানৰ কেছেট বনাইছে। পিছত জানিব পাৰিলোঁ এইজনেই জুবিন গাৰ্গ ওৰফে জুবিন বৰঠাকুৰ ওৰফে গল্ডি ।১৯৯৫ চনত প্ৰথম বাৰৰ বাবে ১০০ টকা দি টিকেট কাটি তেজপুৰ জিলা পুথিভঁৰালৰ প্ৰেক্ষাগৃহত জুবিন গাৰ্গৰ লাইভ প্ৰগ্ৰেম চাইছিলোঁ । এই অনুষ্ঠানতে সুধাকণ্ঠ ড০ ভূপেন হাজৰিকাই জুবিন গাৰ্গক প্ৰথম বাৰৰ বাবে লগ পাইছিল। এই কথা জুবিন গাৰ্গে এটা ইন্টাৰভিউত উল্লেখো কৰিছিল। সেইদিনা মঞ্চত ড০ ভূপেন হাজৰিকাদেৱে জুবিন গাৰ্গেক কি সুধিছিল? তাৰ সাক্ষী আমি আছিলোঁ। জুবিন গাৰ্গ আছিল সেই সময়ৰ ৰকষ্টাৰ। মঞ্চ বাজি উঠা উচ্চস্তৰৰ সংগীত শুনি ড০ ভূপেন হাজৰিকাদেৱে বিৰক্ত অনুভৱ কৰা যেন অনুমান হৈছিল। সেইবাবে মঞ্চলৈ আহি প্ৰথমে জুবিনৰ নামটোক লৈ সমালোচনা কৰিছিল। কিয় জুবিনে বৰঠাকুৰৰ সলনি গাৰ্গ উপাধি লিখে আৰু গায়ক হ'বলৈ হ'লে যদি নামৰ‌ পাছত গোত্ৰ লিখিব লাগে তেনে হ'লে ড০ ভূপেন হাজৰিকাৰ ঠাইত ভূপেন কাশ্যপ লিখিব লাগিব ...

 🙏Living Legend Honourable Prime Minister of India Narendra Modi 🙏 সনাতন ধৰ্ম আৰু ভাৰতীয় সংস্কৃতিক বিশ্বদৰবাৰত প্ৰচাৰ আৰু প্ৰসাৰ কৰা নৰেন্দ্ৰ নাথ দত্তৰ ( স্বামী বিবেকানন্দ) পাছত আন এজন নৰেন্দ্ৰ হ'ল আমাৰ সকলোৰে শ্ৰদ্ধা বিশ্বগুৰু ভাৰতৰ মাননীয় প্ৰধান মন্ত্ৰী শ্ৰীযুত নৰেন্দ্ৰ দামোদৰ দাস মোদী । তেখেতৰ ৭৫ বছৰীয়া ওপজা দিনত তেখেতৰ সু-স্বাস্থ্য আৰু দীৰ্ঘায়ু কামনা কৰালোঁ।  ৰাম ৰাজ্যৰ দেখা নাই কিন্তু ৰাম ৰাজ্যৰ বিষয়ে শুনিছোঁ। ৰামকো হেনো জনসাধাৰণে সমালোচনা কৰিছিল। আমি সঁচাই ভাগ্যবান যে মোদী ৰাষ্ট্ৰৰ নাগৰিক আমি। আমি বা মই কিয় মোদী সৰ্মথন কৰিব লাগে বা কৰো ?!। তেখেত যি ৰাজনৈতিক দলৰে নহওঁক কিয়, সকলো ৰাজনৈতিক দলৰ উধ্বত তেওঁ আৰু মোদীয়ে হৈছে সৰ্বত্ৰ। কোনোবাই মোক ভক্ত বুলি ইতিকিং কৰিলেও বেয়া পাবলগীয়া একো নাই। নিজৰ জাতি, ধৰ্ম, সংস্কৃতিক ভাল পোৱা প্ৰতিজন ভাৰতীয়ই মোদীৰ ভক্ত। প্ৰথমে এজন বাণিজ্য বিভাগৰ ছাত্র হিচাপে বিমুদ্ৰাকৰণ , জিএচটি য়ে ক'লাধন ৰোধ কৰাত কিমান যে ফলপ্ৰষু হ'ব অনুধাৱন কৰিব পাৰিছিলো । বিমুদ্ৰাকৰণ, জিএচটি বিপক্ষে কোন সকলেনো আৰ্তনাদ কৰিছে, যি সকল নিজৰ ক'লাধন ৰক্ষা কৰাত...

 📝মহাবিদ্যালয় অধ্যক্ষৰ ছমহীয়া অভিজ্ঞতা:📝 যোৱা ইং ৬ ডিচেম্বৰ ২০২৪ তাৰিখে তেজপুৰ মহাবিদ্যালয়ৰ অধ্যক্ষপদত নিযুক্তি লাভ কৰি অধ্যক্ষ হিচাপে যোগদান কৰিলোঁ। ২৩ বছৰ কাল দৰং মহাবিদ্যালয়ত বাণিজ্য বিভাগত অধ্যাপনা কৰিছিলোঁ। শিক্ষকতা কৰাৰ মাদকতা অলপ বেলেগ। প্ৰতিবছৰে নতুন নতুন ছাত্ৰ-ছাত্ৰী সকলৰ লগত নিজকে বিলীন কৰি দিব পৰা যায় । প্ৰায় ১৪৫ জন অধ্যাপকৰ এজন মই আছিলোঁ। এটা বৃহৎ পৰিয়াল এজন সদস্য যেন অনুভৱ হয় । কিন্তু অধ্যক্ষ জন একেবাৰে অকলশৰীয়া ব্যক্তি, কাৰণ মহাবিদ্যালয়ত অধ্যক্ষ এজনেই থাকে। বাকী সকলৰ লগত এটা ব্যৱধান বজাই ৰাখিব লগীয়া হয় । প্ৰতিটো মূহুৰ্ততে এটা গধুৰ দ্বায়িত্ব মুৰৰ ওপৰত থাকে, আজৰি সময় বুলি একো নাথাকে। কি সোমবাৰ, কি শনিবাৰ, কি দেওবাৰ প্ৰতিদিনে একেই ব্যস্ততা । গৰমৰ বন্ধ বুলিবলৈ নাই, ছাত্ৰ-ছাত্ৰীসকলৰ লগত শৈক্ষিক ভ্ৰমণলৈ বা বনভোজ খাবলৈ যোৱাৰ কোনো পৰিস্থিতি নাথাকে। কিন্তু কাম কৰা বহুত সুযোগ থাকে। যিবোৰ শৈক্ষিক চিন্তা বা উন্নয়নৰ পৰিকল্পনা মহাবিদ্যালয়ৰ বাবে আগতে কৰিছিলো, কিন্তু কতৃপক্ষক সৈমান কৰাব পৰা নাছিলোঁ, এতিয়া চিন্তা পৰিকল্পনা অনায়াসে ৰূপায়ন কৰিব পৰা হ'লো । মই তেজপুৰ ...

 🙏 স্বামী বিবেকানন্দজী বিষয়ে কিছু কথা🙏 ওঁ সহনাববতু, সহ নৌ ভুনক্তু, সহ বীর্যং কৰবাবহৈ। তেজস্বীনাবধীতমস্তু, মা বিদ্বিষাবহৈ। ওঁ শান্তিঃ শান্তিঃ শান্তিঃ।।"  - এইটো এটি শান্তি মন্ত্র, যাক সাধাৰণতে স্কুল বা অন্যান্য শিক্ষাপ্রতিষ্ঠানত পাঠ কৰা হয়। এইয়া অর্থ হল, "হে ঈশ্বৰ, আপুনি আমাৰ উভয়কে (শিক্ষক ও শিক্ষার্থী) একলগে ৰক্ষা কৰক, একেলগে আমাক বিদ্যাফল দান কৰক, একেলগে আমাক শক্তিশালী হৈ, আমাৰ অধ্যয়ন উজ্জ্বল হওক তথা আমাৰ মাজত বিদ্বেষ নাথাকক। ওঁ শান্তি, শান্তি, শান্তি।" [১, ২] এই মন্ত্রটি কৃষ্ণ যজুর্বেদৰ তৈত্তিৰীয় উপনিষদৰ পৰা লোৱা হৈছে । আজি আমি এজন মহান ব্যক্তি বিষয়ে আলোচনা কৰিবলৈ ওলাইছোঁ, যাতে কোৱা জন আৰু শুনাজন দুয়োপক্ষ উপকৃত হয়। নমস্কাৰ,  আপোনালোকে এই অভাজনক আমন্ত্ৰণ কৰি সনাতন ধৰ্মৰ বিশ্বগুৰু স্বামী বিবেকানন্দ জী বিষয়ে দুএষাৰ ক'ব লৈ সুযোগ দিয়াৰ বাবে আয়োজন সকলক ধন্যবাদ আৰু কৃতজ্ঞতা জ্ঞাপন কৰিছোঁ। স্বামী বিবেকানন্দ জী বিষয়ে আপোনালোকৰ সন্মূখত নতুনকৈ কোৱাৰ মোৰ ধৃষ্টতা মোৰ নাই। তথাপিও মোৰ সীমিত জ্ঞানৰে তেখেতৰ বিষয়ে অলপ ব্যক্ত কৰিবলৈ ওলাইছো ভুল ভ্ৰান্তি হ'লে আগতী...

  🙏ৰাষ্ট্ৰীয় স্বয়ংসেৱক সংঘ (RSS) এক অপ্ৰতিৰোধ্য আৰু আপোচবিহীন ৰাষ্ট্ৰ সেৱক 🙏 আজিও একশ্ৰেণীৰ লোকে ৰাষ্ট্ৰীয় স্বয়ংসেৱক সংঘ চমুকৈ আৰ: এছ:এছ: (RSS) ক লাঞ্ছনা কৰিবলৈ এৰা নাই কিয় ? RSS কিবা নিষিদ্ধ সংগঠন নেকি? RSS য়ে সন্ত্ৰাসবাদক কেতিয়াবা প্ৰশ্ৰয় দিছে নেকি? নে ৰাষ্ট্ৰী নিৰ্মাণত RSS য়ে বাধাৰ কৰিছে? যদি নাই কৰা তেনে কিয় বাৰে বাৰে RSSক বদনাম কৰিবলৈ লক্ষ্য কৰি লোৱা হয় ? স্বামী বিবেকানন্দই আজিৰ পৰা এশবছৰ আগতেই কৈছিল "হিন্দুত্ববাদৰ অবিহনে ভাৰত ৰাষ্ট্ৰ গঠন অসম্ভৱ"। হিন্দু শব্দটোৱে কোনো এটা শেষ ধৰ্ম বা religion ক বুজোৱা নাই। ই এটা প্ৰথা, এটা সংস্কৃতি, জীৱন ধাৰণৰ শৈলী এক অৰ্থত ক'বলৈ হ'লে সনাতনবাদ। যি ৰাষ্ট্ৰ গঠনৰ সপোন চাণক্যই দেখিছিল, তেতিয়া যদি সতানতি সংস্কৃতিৰ এনাজৰী ডালেৰে সকলো ভাৰতীয়ক একগোট কৰিব পাৰিলে হেতেন, কি মোগল , কি বৃটিছ কোনো বিদেশী শক্তিয়ে ভাৰতবৰ্ষক পৰাস্ত বা শাসন কৰিব নোৱাৰিলে হয়। কিন্তু আমি ইতিহাস পৰা জ্ঞান লব'লৈ নিবিচাৰোঁ। কিন্তু কিছুমান ৰাজনৈতিক দলে নিজৰ ৰাজনৈতিক মুনাফাৰ বাবে ভাৰতবৰ্ষক ধৰ্মনিৰপেক্ষতা (Secularism) টুপী এটা পিন্ধাই সদায় হিন্দুত্বব...